«Ақтөбе мұнай өңдеу» ЖШС бүгінгі таңда Қазақстандағы шағын мұнай өңдеу зауыттарының арасында экономикалық жағынан табысты компаниялардың бірі болып табылады. Өз қызметін бастаған сәттен бастап, «Ақтөбе мұнай өңдеу» ЖШС үнемі даму үстінде, жабдықтарын жаңартып, жаңа технологияларды енгізіп, соңғы өнімнің сапасын жақсарту үшін технологиялық процестерді жетілдіруде. Бүгін «Ақтөбе мұнай өңдеу» ЖШС көмірсутектерді тереңірек өңдеу мүмкіндіктерін қарастыруда.
Зауыттың он төрт жылдығы қарсаңында кәсіпорында көлемді жөндеу жұмыстары, атап айтқанда, АТ-2 бойынша жоспарлы-профилактикалық жұмыстар жүргізілді. Бұл жұмыстар түбегейлі техникалық өзгерістерді қамтып, көмірсутектерді өңдеудің барлық өнім желісінің жалпы өнімділігінің артуына әсер етті.
Бұл, ең алдымен, технологиялық және механикалық қызметтердің барлық деңгейіндегі мамандардың, бухгалтерлік есепті сауатты жүргізудің, сондай-ақ барлық көмекші қызметтер мен бөлімшелердің еңбегінің жемісі.
Қазіргі уақытта «Ақтөбе мұнай өңдеу» ЖШС нарықтағы экономикалық дағдарыстарға қарамастан, алдыңғы қатардағы позициясын сақтап отыр. Компанияның соңғы өнімнің сапасын жаңа, принципиалды деңгейге көтеруге деген тұрақты және өзгермейтін практикалық ұмтылысы бар.
